Ձվաբջիջների նվիրատվություն Հայաստանում

Երբեմն մայրանալու համար կնոջը կոնսերվատիվ բուժում ստանալը բավական չէ։ Ձվաբջիջների առողջության հետ կապված խնդիրները բոլորովին էլ հազվադեպ չեն: Կանանց մոտ բեղմնավորման համար պիտանի օոցիտների (ձվաբջիջների) բացակայությունը ժամանակակից կանանց մոտ հաճախակի հանդիպող խնդիր է, և դրա պատճառը ոչ միայն դաշտանադադարն է, այլ նաև ժառանգական հիվանդությունները, և՛ տարբեր պաթոլոգիաները, և՛ գենետիկական հիվանդությունները, և՛ սթրեսը, և՛ վերարտադրողական օրգանների պաթոլոգիաները: Այս դեպքում օգնության են գալիս ՕՎՏ-ը` օժանդակ վերարտադրողական տեխնոլոգիաները, այդ թվում նաև բեղմնավորումը առողջ դոնորական ձվաբջիջների օգնությամբ: Դոնորական օոցիտը կարող է օգտագործվել ինչպես ԱՄԲ-ն միջոցով անպտղության բուժման համար, այնպես էլ Փոխնակ մայրության ծրագրերի համար:

Անանուն դոնորի ինքնության մասին տեղեկատվությունը գաղտնի է, միևնույն ժամանակ, դոնորը չի ստանում տեղեկատվություն այն հիվանդների մասին, որոնց համար նախատեսված են օոցիտները. Կոնկրետ դոնոր ընտրելուց հետո վերջինս ենթարկվում է ամբողջական բժշկական և գենետիկ հետազոտության, որի ընթացքում որոշվում է՝ արդյոք նա բավարարում է ձվաբջիջների դոնորին ներկայացվող բոլոր անհրաժեշտ պահանջներին։ Դոնորը ստորագրում է տեղեկացված համաձայնություն, որում նշվում է, որ իր օոցիտները և դրանցից ստացված սաղմերը կլինեն պացիենտների սեփականությունը։

20-35 տարեկան կին, ով ցանկանում է օգնել անպտուղ զույգերին՝ մասնակցելով օոցիտների դոնորության ծրագրին։ Դոնորը պետք է ունենա նորմալ կազմվածք (առանց ավելորդ քաշի), չծխի և չտառապի գինեկոլոգիական կամ այլ հիվանդություններով: Դոնորը լիարժեք հետազոտություն է անցնում՝ ՄԻԱՎ-ի, սիֆիլիսի, հեպատիտ B և C-ի, գոնորեայի, խլամիդիոզի, միկոպլազմոզի, ուրեապլազմոզի, ցիտոմեգալովիրուսի, սեռական հերպեսի առկայությունը բացառելու համար:

Տեսականորեն, օոցիտներ կարելի է հանձնել յուրաքանչյուր դաշտանային ցիկլ (ամեն ամիս), բայց մենք դոնորության ցիկլերի միջև անում ենք առնվազն երկու ամիս ընդմիջում, որպեսզի դոնորի ձվարանները հանգստանան:

12-ամյա աղջկա ձվարաններում մոտ 300.000 ձվաբջիջ կա։ Վերարտադրողական տարիքում օվուլյացիայի ընթացքում դրանցից 500-ից պակաս ձվաբջիջ է սպառվում է ձվարանների կողմից։ Մնացած 299500 ձվաբջիջները ենթարկվում են այսպես կոչված «ատրեզիա»-ի, որի ժամանակ դրանք ներծծվում են ձվարաններում՝ սեռական հասունացման և դաշտանադադարի միջև ընկած ժամանակահատվածում։ Այս «պահեստային» ձվաբջիջների մեծ քանակի առկայության պատճառով հիմքեր չկան ենթադրելու, որ դոնորական գործընթացի ընթացքում դեղորայք ընդունելը կամ ձվաբջիջների դոնորությունը ինքնին կարող է այն աստիճան նվազեցնել ձվաբջիջների պաշարները, որ հանգեցնի վաղ դաշտանադադարի:

Դոնորական ծրագրերի մասին ամբողջ տեղեկությունը խիստ գաղտնի է: Ձեր ձվաբջիջները ստացող ամուսնական զույգը ստորագրում է հայտարարություն այն մասին, որ նա պարտավորվում է չորոշել ձվաբջիջների դոնորի ինքնությունը և հասկանում է, որ իրենց կամ իրենց երեխաների հետագա կապը Ձեզ հետ անհնար է: Նրանք չեն իմանա Ձեր անունը: Բայց նրանց կտրվեն ընդհանուր տեղեկություններ Ձեր ֆիզիոլոգիական պարամետրերի վերաբերյալ՝ քաշ, հասակ, ֆենոտիպ, արտաքին տեսք, ժառանգական և գենետիկ հիվանդություններ (առկայության դեպքում):