Դարձեք փոխնակ մայր Հայաստանում

Ծրագրի ողջ ընթացքում մեր փոխնակ մայրերն ապրում են առանձին սենյակներում՝ հարմարավետ բնակարանում։ Ձեր հարմարավետության համար բնակարանում առկա է այն ամենը, ինչ անհրաժեշտ է կյանքի համար՝ սկսած անկողնու սպիտակեղենից և սրբիչներից մինչև կաթսաներն ու ճաշասեղանի սպասքը: Առկա է նաև ամբողջ անհրաժեշտ կենցաղային տեխնիկան։ Ծրագրի ընթացքում բոլոր հետազոտություններն անց են կացվում Երևանի լավագույն կլինիկաներում։ Բոլոր հանդիպումները հնարավորինս հարմարավետ պայմաններում են անցնում: Որոշելով փոխնակ մայր դառնալ՝ Ձեզ այլևս կարիք չկա անհանգստանալու որևէ բանի համար. մենք հոգացել ենք ամեն ինչի մասին։

Փոխնակ մոր հղիությունը ֆիզիոլոգիապես ընթանում է այնպես, ինչպես ԱՄԲ-ի արդյունքում՝ սաղմի տեղափոխումից հետո հղիացած կանանց մեծ մասի մոտ:

Սաղմը փոխնակ մորը փոխանցելու կարգը լիովին նույնական է ԱՄԲ-ն շրջանակներում ցանկացած այլ կնոջ փոխանցման նմանատիպ ընթացակարգին: Սաղմի տեղափոխումը կրիոպրոտոկոլով իրականացվում է դաշտանային ցիկլի 18-21-րդ օրերին, կատարվում է բժշկական հաստատության պատերի ներսում՝ բժիշկ-սաղմնաբանի և ռեպրոդուկտոլոգի հսկողության ներքո։ Պրոցեդուրան տևում է 20 րոպե և բացարձակապես անցավ է։

Մեր Կենտրոնը պարտադիր է համարում փոխնակ մայրերի Երևանում ապրելը՝ սկսած տեղափոխման պահից մինչև ծննդաբերությունը։ Կենտրոնի բոլոր բնակելի տարածքները լիովին կահավորված են բնակության համար՝ ունեն անկողնային սպիտակեղեն, ամբողջ անհրաժեշտ կենցաղային տեխնիկան, անլար ինտերնետ։

Մենք առաջարկում ենք մեր փոխնակ մայրերին ապրել իրենց երեխաներից մեկի հետ։ Փոխնակ մայրերի բնակարանում այլ հարազատների տեղավորումը բացառվում է, քանի որ դա կարող է անբարենպաստ մթնոլորտ ստեղծել այլ փոխնակ մայրերի համար:

Բոլոր պայմանները, որոնք պետք է պահպանի փոխնակ մայրը, սահմանված են նոտարի կողմից հաստատված պայմանագրում։ Նոտարը պարտադիր ստուգում է պայմանների համապատասխանությունը իրավական նորմերին, խախտումների բացակայությունը թե իրավական, թե բարոյական տեսանկյունից։ Այս առումով, կենսաբանական ծնողների պահանջով հատուկ պայմանների համար կպահանջվի նոտարի կողմից դրանց ընդգրկման հնարավորության հաստատում:

Յուրաքանչյուր փոխնակ մայր իրավունք ունի սնուցման բարելավվանն ուղղված ամենամսյա վճարի, իսկ անհրաժեշտ դեղամիջոցները գնում և տրամադրում է մեր Կենտրոնը:

Այն բանից հետո, երբ փոխնակ մայրը կանցնի ծրագրին անցնելու համար անհրաժեշտ բոլոր հետազոտությունները, պետք է բացառել սեռական շփումը, քանի որ սեռական շփման միջոցով վարակների և գինեկոլոգիական հիվանդությունների փոխանցման վտանգ կա, ինչը կարող է սպառնալ հղիության ընթացքին և երեխայի առողջությանը։ Բացի այդ, սեռական հարաբերության ժամանակ արգանդի կրճատումները կարող են վիժման պատճառ դառնալ: Առողջ երեխա կրելու և լույս աշխարհ բերելու համար հարկավոր է մտածել սեռական շփումների հնարավոր հետևանքների մասին, որոնք վտանգի տակ են դնում ամբողջ Ծրագիրը, նոր կյանքի ծննդյան վրա ծախսվող բոլոր ջանքերը: Փոխնակ մայրը պատասխանատվություն է կրում այս բժշկական կանոնը չկատարելու համար:

Հայաստանի Հանրապետությունում գենետիկ ծնողներն անմիջապես ճանաչվում են որպես երեխայի ծնողներ։ Ցանկացած պարագայում երեխայից հրաժարվելը ծնողների համար ունենում է համապատասխան բացասական հետևանքներ։